Araw ng Pag-alaala: San Rafael, Muling Ipinagdiwang ang Diwa ng Kalayaan at Sakripisyo.

Taos-pusong ginunita ng Bayan ng San Rafael noong Nobyembre 30, 2025, ang makasaysayang Labanan sa San Rafael—isang araw ng pagkilala sa kabayanihan at sakripisyo ng ating mga ninuno para sa kalayaan.

Ang paggunita, na sumasalamin sa ika-129 Anibersaryo ng makasaysayang labanan, ay nagsimula sa isang pormal na seremonya ng pag-aalay ng bulaklak sa Panandang Pangkasaysayan (Historical Marker).

Matagumpay na kinatawan ng Municipal Administrator, Dr. Marina R. Viente, MD, ang Punong Bayan Kgg. Cipriano D. Violago, Jr. sa pag-aalay ng parangal.

Sinundan ito ng pag-aalay ng bulaklak ng Kinatawan ng Ikatlong Distrito, Kgg. Mark Cholo I. Violago, na nagbigay-diin sa kahalagahan ng pagrespeto sa kasaysayan.

Dumalo rin ang mga miyembro ng Sangguniang Bayan, na pinamunuan ng Pangalawang Punong Bayan, Kgg. Edison M. Veneracion, kasama ang mga iginagalang na Kagawad.