BOSS 2026: Business Permit Renewal sa San Rafael, Simula na!

Pormal nang binuksan ng Pamahalaang Bayan ng San Rafael ang Business One-Stop Shop (BOSS) para sa taong 2026 ngayong araw, Enero 5. Layunin nito na gawing mas mabilis, maayos, at komportable ang proseso ng pagkuha at pag-renew ng mga business permit para sa lahat ng mga negosyante sa ating bayan.

Sa ilalim ng sistemang BOSS, pinagsama-sama sa iisang lokasyon ang mga mahahalagang tanggapan tulad ng BPLO, Treasurer’s Office, Engineering, Health, at Bureau of Fire Protection (BFP). Ito ay upang matiyak na hindi na palipat-lipat ng gusali ang mga aplikante at matapos ang kanilang transaksyon sa lalong madaling panahon.

Pinaaalalahanan ng lokal na pamahalaan ang lahat ng mga stall owners at mga may-ari ng negosyo na magsadya sa ating Municipal Hall simula ngayong araw hanggang sa ika-30 ng Enero, 2026.

Ang mga makakapag-ayos ng kanilang dokumento sa loob ng takdang panahon ay makakaiwas sa kaukulang multa at surcharges. Inaasahan din ang pakikiisa ng lahat upang mapanatili ang kaayusan sa ating BOSS area.