Mariel at Benedict, Tumanggap ng Basbas ng Kasal sa Sagrado Corazon de Jesus

Isang maningning at puno ng pag-ibig na seremonya ang naganap sa Diocesan Shrine and Parish of Sagrado Corazon de Jesus sa Cruz na Daan, matapos pag-isahin ang puso nina Mariel at Benedict sa harap ng dambana ng Panginoon.

Ang nasabing okasyon ay dinaluhan ni Pangalawang Punong Bayan Edison M. Veneracion, o mas kilala bilang "Kuya Edison," na hindi lamang nakiisa sa selebrasyon kundi nagsilbi ring isa sa mga pangunahing Ninong ng bagong mag-asawa.

Para kay Kuya Edison, ang pagiging bahagi ng kasalang ito ay isang malaking karangalan. Ipinahayag niya ang kanyang kagalakan sa tiwalang ibinigay ng mag-asawa na maging isa sa kanilang mga espirituwal na magulang na gagabay sa kanila sa pagbuo ng isang matatag at Kristiyanong pamilya.

Sa pagsisimula ng kanilang buhay bilang mag-asawa, nagpaabot ng payo at basbas ang Bise Mayor para sa dalawa, hiling nito na mapuno ng pagmamahalan ang kanilang pagsasama.