Private Resort sa Diliman II, Ininspeksyon ng SB

Nagsagawa ng isang ocular inspection ang Sangguniang Bayan ng San Rafael sa isang ginagawang private resort sa Brgy. Diliman II.

Pinangunahan ni Vice Mayor Edison M. Veneracion, kasama si Hon. Nestor Vicho at ang mga kagawad ng Sangguniang Bayan, ang pagbisita sa site.

Layunin ng inspeksyong ito na masiguro na ang konstruksyon ng nasabing resort ay sumusunod sa mga itinakdang ordinansa, environmental standards, at mga regulasyon sa zoning ng bayan.