PWD Federation sa San Rafael, Pinalakas sa Pamamagitan ng Benchmarking at Capacity Building

San Rafael, Bulacan – Nakiisa ang inyong lingkod, kasama ang Sangguniang Bayan ng San Rafael, sa matagumpay na isinagawang Benchmarking at Capacity Building ng Federation of Persons with Disabilities (PWDs).

Isinulong ang aktibidad bilang isang makabuluhang hakbang para palakasin ang kakayahan ng mga miyembro ng PWD Federation at pagtibayin ang kanilang mahalagang papel sa pagpapaunlad ng komunidad.

Lubos ding kinikilala ang kanilang kasipagan, dedikasyon, at walang humpay na ambag na nagsisilbing inspirasyon sa bawat mamamayan ng San Rafael.