Salamat, Enero! San Rafael, Handa na sa Mas Masiglang Serbisyo ngayong Pebrero

Matagumpay at puno ng dedikasyon na tinapos ng Pamahalaang Bayan ng San Rafael ang unang buwan ng taon. Sa pagpapaalam sa buwan ng Enero, baon ng bawat kawani at pinuno ang pasasalamat sa pagkakataong makapaglingkod nang tapat sa ating mga kababayan.

Sa ilalim ng liderato nina Mayor Cipriano D. Violago, Jr. at Vice Mayor Edison M. Veneracion, naging makabuluhan ang nakaraang 31 araw dahil sa iba't ibang programa sa kalusugan, edukasyon, at imprastruktura na naiparating sa mga San Rafaeleño.

Hindi rito nagtatapos ang ating mga adhikain. Sa pagpasok ng buwan ng Pebrero, asahan ang mas pinaigting at mas malawak na paghahatid ng serbisyong may malasakit. Mula sa paglilinis ng kapaligiran hanggang sa pagsuporta sa ating mga mag-aaral at manggagawa, ang Pamahalaang Bayan ay mananatiling kaagapay ng bawat pamilya.