San Rafael, Nagpugay sa Bagong Henerasyon ng mga Propesyonal

Opisyal na kinilala ng Pamahalaang Bayan ng San Rafael ang tagumpay ng mga anak ng bayan na kamakailan lamang ay humarap at nagtagumpay sa iba’t ibang Licensure Examinations sa bansa.

Sa isang pahayag mula sa lokal na pamahalaan, binigyang-diin nina Mayor Cipriano D. Violago, Jr., Vice Mayor Edison M. Veneracion, at ng buong kasapian ng Sangguniang Bayan ang kahalagahan ng pagkakaroon ng mga bagong lisensyadong propesyonal bilang pundasyon ng mas matatag na kinabukasan para sa bayan.

Ang pagpasa sa board exam ay hindi lamang itinuturing na personal na tagumpay ng mga nakapasa, kundi isang malaking ambag sa karangalan ng San Rafael. Ayon sa pamunuan, ang dedikasyong ipinamalas ng mga bagong propesyonal ay patunay ng mataas na kalidad ng mga mamamayan sa kanilang nasasakupan.