San Rafael, Nagsagawa ng Rabies Awareness Seminar para sa Ligtas na Komunidad

Upang paigtingin ang proteksyon ng mga mamamayan laban sa banta ng rabies, matagumpay na idinaos ang isang Rabies Awareness Seminar sa ating Pamahalaang Bayan kamakailan.

Ang programa ay pinangunahan ng Municipal Agriculture Office sa ilalim ng pamumuno ni OIC-M.A. Rea Joy Calderon. Kinatawan ni Municipal Administrator Dra. Marina R. Viente ang ating Punong Bayan Igg. Cipriano D. Violago, Jr., kasama ang Chairman ng Committee on Agriculture na si Konsehal Doy Vicho. Nakiisa rin ang mga Punong Barangay, mga miyembro ng Committee on Health, at mga Barangay Health Workers (BHW) na nagsisilbing katuwang sa pagpapatupad ng mga programang pangkalusugan sa bawat barangay.

Naging sentro ng talakayan ang mga ibinahaging kaalaman nina Doc. Jonathan Ramirez, Doc. Angie Oloyan, at Doc. Manny Francisco mula sa Provincial Veterinary Office. Binigyang-diin sa seminar ang mga sumusunod:

• Kahalagahan ng Anti-Rabies Vaccination: Ang regular na pagbabakuna sa mga alagang aso at pusa bilang pangunahing depensa.

• Tamang First Aid: Ang mga dapat gawin sakaling makagat ng hayop upang maiwasan ang impeksyon.

• Responsableng Pet Ownership: Ang tungkulin ng mga may-ari na itali o ikulong ang kanilang mga alaga upang hindi makapanakit.

  
  

Ayon sa pamunuan, ang edukasyon ay pinakamabisang paraan upang makamit ang isang "Rabies-Free San Rafael." Layunin ng gawaing ito na masiguro ang kaligtasan ng bawat pamilya at ang maayos na pakikipamuhay kasama ang ating mga alagang hayop.