SB ng San Rafael, Matagumpay na Naisagawa ang Unang Regular na Sesyon para sa Taong 2026

Sa pagbubukas ng taon, agad na sumabak sa trabaho ang Sangguniang Bayan ng San Rafael sa isinagawang 1st Regular Session ngayong araw. Ang pagpupulong ay pinangunahan ni Pangalawang Punong Bayan Igg. Edison M. Veneracion, kasama ang mga kagalang-galang na Kagawad ng Bayan.

Layunin ng sesyong ito na ituloy ang mga mahahalagang lehislatura na magsisilbing pundasyon ng mga proyekto at pag-unlad ng bayan para sa buong taon.

Sa ilalim ng ikatlo at huling pagbasa, pormal na pinagtibay ng kapulungan ang mga sumusunod na kahilingan para sa pagpapatayo ng mga pasilidad na magdadala ng dagdag na negosyo at trabaho sa bayan:

• Brgy. Caingin: Pagpapatibay ng SB Clearance para sa konstruksyon ng Optimo Warehouse with Office (6,966 sq. meters).

• Brgy. Pasong Intsik: Pag-apruba sa SB Clearance para sa 4-Unit Warehouse Building ng Manila First Asia Group Realty Inc. (6,000 sq. meters).

• Brgy. Capihan: Reclassification ng 9,066 sq. meters na lupa mula Agricultural patungong Commercial.

Binigyang-diin din sa sesyon ang pagpapatibay sa mga usaping pampinansyal ng iba't ibang barangay upang matiyak na tuloy-tuloy ang kanilang mga serbisyo:

1. Brgy. Pantubig: Pagpapatibay sa Supplemental Budget Blg. 02 (P25,200.00) at paglilipat ng pondo (P29,362.84) para sa pagpapatayo ng mga Streetlights.

2. Brgy. Balagtas-BMA: Pag-apruba sa Supplemental Budget Blg. 01 (P638,731.14).

3. Brgy. Pasong Bangkal: Pagpapatibay sa Supplemental Budget Blg. 02 (P140,075.00).

4. Brgy. Sampaloc: Pag-apruba sa malaking laang pondo sa ilalim ng Supplemental Budget Blg. 01 (P1,145,000.00).

Sa pagtatapos ng sesyon, muling nanindigan ang Sangguniang Bayan sa kanilang tungkulin na maging mabilis at tapat sa paggawa ng mga batas na makabubuti sa bawat San Rafaeleño.