Seremonya ng Pagbababa ng Watawat, Idinaos ngayong Biyernes

Bilang pagtatapos ng isang makabuluhang linggo ng paglilingkod, isinagawa ang nakaugaliang Pagbababa ng Watawat ng Pilipinas sa harap ng Pamahalaang Bayan ngayong araw, Enero 16, 2026.

Ang seremonya ay dinaluhan ng mga kawani ng munisipyo bilang pagpapakita ng respeto sa bansa at simbolo ng pormal na pagtatapos ng mga opisyal na gawain para sa linggong ito.

Ang aktibidad na ito ay bahagi ng tradisyon ng lokal na pamahalaan upang panatilihin ang disiplina at pagmamahal sa bayan sa hanay ng mga lingkod-bayan.

Matapos ang seremonya, nagpaabot ng pagbati ang pamahalaang lokal ng isang masaya at ligtas na weekend para sa lahat ng mga San Rafaeleño.