Tanggapan ng Pambayang Inhinyero, Pinangunahan ang Flag Raising Ceremony

Sa pagsisimula ng unang Lunes ng buwan, ika-2 ng Pebrero, 2026, muling nagkaisa ang mga kawani ng Pamahalaang Bayan ng San Rafael para sa lingguhang Pagtataas ng Watawat na ginanap sa harapan ng Munisipyo.

Ang nasabing palatuntunan ay pinangunahan ng Tanggapan ng Pambayang Inhinyero (Municipal Engineering Office) sa ilalim ng pangangasiwa ni Engr. Romualdo De Castro.

Ang seremonyang ito ay hindi lamang tradisyon kundi isang mahalagang pagkakataon upang muling pagtibayin ang panunumpa sa katapatan sa bayan at sa bandila.

Dumalo sa aktibidad ang mga opisyal at kawani upang saksihan ang pormal na pagbubukas ng linggo ng pagtatrabaho. Sa ilalim ng administrasyon nina Mayor Cipriano D. Violago, Jr. at Vice Mayor Edison M. Veneracion, ang lingguhang pagtitipon na ito ay nagsisilbi ring platform upang maghatid ng mga anunsyo at paalala para sa mas maayos na paghahatid ng serbisyo sa publiko.

Sa kabila ng mga hamon, baon ng bawat lingkod-bayan ang inspirasyon at sigasig na maglingkod nang may integridad para sa ikabubuti ng bawat pamilyang San Rafaeleño.