Tanggapan ng Punong Bayan, Nananatiling Bukas para sa Bawat Kababayan

Sa isang pahayag ng pasasalamat, muling binigyang-diin ni Punong Bayan Kgg. Cipriano D. Violago, Jr. ang kanyang pangako sa isang inklusibo at bukas na pamamahala para sa lahat ng mga San Rafaeleño.

Nagpaabot ng taos-pusong pasasalamat ang alkalde sa lahat ng mga kababayang nagtutungo sa munisipyo upang ibahagi ang kanilang mga saloobin, mungkahi, at pangangailangan. Ayon kay Mayor Violago, ang pakikinig sa boses ng mamamayan ay krusyal upang makabuo ng mga programang tunay na tumutugon sa realidad at pangangailangan ng bawat barangay.