VAW Desk Capability Building Training, Ginanap sa San Rafael

Bilang bahagi ng adbokasya para sa isang mas ligtas at mapagkalingang komunidad, matagumpay na isinagawa ang "Capability Building Training on Setting-Up of VAW Desk, Roles and Functions of VAW Desk Officers, and Proper Use of VAW Desk Forms" sa Barangay Pinacpinacan, San Rafael.

Ang mahalagang pagsasanay na ito ay dinaluhan ng mga lokal na opisyal at kinatawan ng barangay, sa ilalim ng paggabay at suporta ni Pangalawang Punong Bayan Edison M. Veneracion.

Pangunahing layunin ng programa na armasan ng sapat na kaalaman ang mga VAW Desk Officers. Ayon kay Vice Mayor Veneracion, ang pagpapatatag sa mga VAW Desk sa bawat barangay ay krusyal upang matiyak na ang bawat babaeng nakararanas ng karahasan ay may matatakbuhan at mahihingan ng tulong sa loob mismo ng kanilang komunidad.